Кыргызстан жана Түркиянын коргоо министрлери аскердик кызматташуу боюнча келишимдерге кол коюшту

Бүгүн, 24-сентябрда Бишкекте Түркиянын улуттук коргоо министри Исмет Йылмаз жана КРнын Коргоо министри Абибилла Кудайбердиев бир нече өкмөттөр аралык келишимдерге кол коюшту.

Маалыматка ылайык, алар төмөнкү маселелер боюнча документтерди бекитишти:

1) Аскердик медицина тармагында окутуу жана кызматташтык боюнча Кыргыз Республикасынын жана Түркия Республикасынын өкмөттөр аралык келишими;

2) Аскердик каржылоо кызматташтыгы боюнча КРнын жана Түркия Республикасынын өкмөттөр аралык келишими;

3) Акчалай жардам көрсөтүү боюнча КРнын жана Түркия Республикасынын өкмөттөр аралык протоколу.

Андан соң коргоо министрлери бири-бирин баалуу белектер менен сыйлашты.

Мындан тышкары КРнын Куралдуу күчтөрүнүн Башкы штабынын басма сөз кызматынан SUPER.KG порталына билдиргендей, бүгүн КРнын мамлекеттик резиденциясында саат 15:00 чамасында Түркиянын улуттук коргоо министри Исмет Йылмаз аталган штабдын башчысы Асанбек Алымкожоев менен жолугушуу өткөрөт.

Автор: Нургазы Аматов
Фото: Нургазы Аматов