Депутат Нурлан Төрөбеков өзүнө козголгон кылмыш иши боюнча териштирүү жүргүзүп жатыптыр

Парламент депутаты Нурлан Төрөбеков өзүнө козголгон кылмыш иши боюнча териштирүү жүргүзүп жатат. Бул тууралуу SUPER.KG порталына депутаттын жардамчысы билдирди. Учурда депутат ден соолугуна байланыштуу жумушта эместиги айтылды. “Депутат бир нече күндөн бери дарыланып жатат. Үстүнөн кылмыш иши козголгонун бүгүн гана билди. Азыр өзүнө козголгон кылмыш ишинин чоо-жайын териштирип жатат”,- деп билдирди жардамчысы.

Айта кетсек, бүгүн, 24-сентябрда Жогорку Кеңештеги "Ар-намыс" фракциясынын депутаты Нурлан Төрөбеков "жогорку окуу жайын бүтүргөн" деген негизде жасалма диплом алган" деп айыпталып, кылмыш иши козголду.

Автор: Жамалидин Парманкулов