Эльвира Сариева жарандардын өкмөткө жөнөткөн кайрылуулары кароосуз калбай турганын айтты

Вице-премьер-министр Эльвира Сариева бүгүн, 24-сентябрда өкмөттүн коомдук кабылдамасына жазылган жарандарды кабыл алды. Сариева мамлекеттик органдардын ишин жакшыртуу боюнча жарандар айткан түрдүү темадагы суроолорго жооп берип, ар бир кайрылуу кароосуз калбай турганын айтты. Өкмөттөн билдиришкендей, коомдук кабылдама бардык иш күндөрү иштейт. Ага жазылгандарды өкмөт башчы, вице-премьер-министрлер, өкмөттүк аппараттын жетекчиси жана бөлүм башчылары кабыл алууда.

Автор: Автандил Добулбеков