Сайдулла Нышанов "өкмөткө март айына чейин ийгилик каалайм" деди

Жогорку Кеңештин 25-сентябрдагы жыйынында депутат Сайдулла Нышанов "өкмөткө март айына чейин ийгилик каалайм" деп билдирди. Депутат муну өкмөт мүчөлөрүнө берген суроолоруна жоопторду алгандан кийин айтып, сөзүн жыйынтыктады. Бирок эмне үчүн март айына чейин экенин түшүндүргөн жок Нышанов. Муну спикер Асылбек Жээнбеков жөн калтырган жок. "Премьер-министр тактап жатат, кайсы жылдын мартына чейин?" деди төрага.

Айта кетсек, жыйында парламент кабыл алган токтомдордун, мыйзамдардын өкмөт тарабынан аткарылышы каралууда.

Автор: Автандил Добулбеков