Мелис Турганбаевдин ички иштер министри кызматына 1-октябрда дайындалышы күтүлөт

Жогорку Кеңештин Координациялык комитети Мелис Турганбаевдин ички иштер министри кызматына талапкерлигин кароосун 1-октябрга белгиледи. Бул тууралуу бүгүн, 26-сентябрда парламенттин басма сөз кызматы билдирди.

Маалыматка ылайык, 1-октябрда депутаттар мындан тышкары "Эмгекти коргоо жөнүндө", "Мамлекеттик сыйлыктар жөнүндө" жана Салык кодексинин мыйзамдарына өзгөртүүлөрдү киргизүү боюнча талкууларды жүргүзөт.

Айта кетсек, ушул жылдын 16-сентябрында Ички иштер министрлигинин мурунку башчысы Абдулда Суранчиев кызматтан кетүү боюнча арыз жазып, аны президент канааттандырган. Аталган министрликтин башчысынын милдетин аткаруучу кызматына Мелис Турганбаев дайындалган.

Автор: Нургазы Аматов