Депутаттар Айыл чарба министрлиги насыяларды туура эмес пайдаланып жатканын айтышты

Жогорку Кеңештин Бюджет жана финансы боюнча комитетинин 29-сентябрдагы жыйынында депутаттар Айыл чарба жана мелиорация министрлиги банктардан алган насыяларды туура эмес пайдаланып жатканын айтышты. "Канчалаган кредиттерди алдыңар, бирок эч кандай натыйжа жок. Мындан ары насыяларды Айыл чарба министрлиги өзү же Жайыт комитети төлөп берсин. Акчаны алгандан кийин кычырап машиналарды айдап алып жүрөсүңөр. Жоопкерчиликти өздөрүнө жүктөп салсак, эффективдүү пайдаланышат”,- дешти айрым депутаттар. Бул сунушту көпчүлүк депутаттар колдоого алышты.

Автор: Жамалидин Парманкулов