Айыл чарба министрлиги: Cауд Арабиясы Кыргызстанга Логистикалык борбор курууга даяр

Cауд Арабиясы Кыргызстанга Логистикалык борбор курууга даяр. Муну 30-сентябрда Айыл чарба жана мелиорация министрлигинин басма сөз кызматы кабарлады. Кыргызстан менен Сауд Арабиясынын ортосунда айыл чарба жаатында төмөнкүдөй макулдашуулар менен меморандумга кол коюлган:

Кыргызстан менен Сауд Арабиясынын ортосунда кызматташтык жөнүндө генералдык макулдашуу;

КРнын Айыл чарба жана мелиорация министрлиги менен Сауд Арабиянын ишкерлер жамаатынын өкүлчүлүгү ортосундагы меморандум.

Айыл чарба жана мелиорация министри Таалайбек Айдаралиев тиешелүү лабораториялык борборлордун жоктугу мал этин сыртка ташууга тоскоол болуп жатат. Сауд Арабиясы менен Логистикалык борбор куруу боюнча сүйлөшүү жүрүүдө. Бул үчүн кыргыз өкмөтү 50 гектар жер берүүгө, арабиялык ишкерлер Логистикалык борбор курууга даярдыгын айтышкан.

Автор: Автандил Добулбеков