Кыргызстанда пенсиялар көтөрүлдү

Кыргызстанда бүгүн, 1-октябрда пенсиялардын камсыздандыруу бөлүгү көтөрүлдү. Тийиштүү токтомго премьер-министр Жоомарт Оторбаев кол койгонун өкмөттүн маалымат кызматы кабарлады. Документ өзүнө төмөнкүлөрдү камтыйт:

- 2014-жылдын 1-октябрынан баштап бул мезгилге чейин дайындалган пенсиялардын камсыздандыруу бөлүгүн 250 сомго жогорулатуу;

- 2014-жылдын 1-октябрынан баштап 1-топтогу майыптык боюнча пенсияларды, кошумча акы жана компенсациялык төлөмдөрдү эске алуу менен жогорулатуу.

"Эсептөөлөрдүн жыйынтыгы боюнча, пенсиянын орточо көлөмү 4600 сомду түзөт. Негизинен пенсионерлер пенсияларын 250 сомго көбөйтүлгөн түрдө алышат",- деп билдирет өкмөттүн басма сөз кызматы.

Автор: Автандил Добулбеков