Эсенгул Исаков "азыр кардын алдында 4-5 миллиард сомдук түшүм жатат" деди

Жогорку Кеңештин 9-октябрдагы жыйынында депутат Эсенгул Исаков өкмөттүн көңүлүн айыл чарба тармагындагы түзүлгөн кырдаалга буруп, дыйкандардын мээнети текке кетип жатканын белгиледи. "Дыйкандардын түшүмү жаан менен кардан жабыр тартты, азыр кардын алдында кеминде 4-5 миллиард сомдук түшүм жатат. Үстөк пайыздуу насыя алып, гектарына 40 миң сомго чейин каражат жумшаган адамдар бар, алар эми карызын кантип төлөшөт? Тиешелүү мамлекеттик органдар менен мекемелердин жетекчилери жана адистер жер-жерлерди кыдырып, дыйкандардын көйгөйлөрүн жеринде чечүүгө көмөк көрсөтүшү керек",- дейт депутат.

Мындай сунушту башка депутаттар да айтышты.

Автор: Жамалидин Парманкулов