Бишкекте ишкерлер менен өкмөт өкүлдөрү өлкөгө автоунаа алып кирүүдөгү бажы тарифинин көтөрүлүшүн талкуулашат

Экономика министрлигинде 15-октябрда Кыргызстандын Бажы биримдигине киришине байланыштуу бажы алымдарын көтөрүү темасы боюнча тегерек стол өтөт. Муну аталган министрликтен кабарлашты. Анда биримдикке киргенден кийинки өткөөл мезгилде бажы алымдары көтөрүлө турган азык-түлүктөрдүн тизмеси талкууланары айтылды. Автоунааларга бажы алымдарынын көтөрүлүшү тууралуу да талкуу болот. Жыйынга министрликтин жана тийиштүү мекемелердин өкүлдөрү, ишкерлер, мунун ичинде автоунаа ташуу менен алектенген ишкерлер катышмакчы.

Автор: Автандил Добулбеков