Минусинск аймак таануу музейинин директору Жогорку Кеңештин Ардак грамотасы менен сыйланды

Орусиядагы Минусинск аймак таануу музейинин директору Людмила Ермолаева Кыргызстан менен Орусия ортосундагы тарыхый-маданий кызматташтык мамилелерди өнүктүрүүгө кошкон салымы үчүн Жогорку Кеңештин Ардак грамотасы менен сыйланды. Ардак грамотаны бүгүн, 30-октябрда вице-спикер Төрөбай Зулпукаров Тарых музейинде “Эне-Сай кыргыздары” көргөзмөсүнүн ачылышында тапшырды. Иш-чарага депутаттар Каныбек Иманалиев жана Майрамкан Кадырбекова катышты. Ал эми Ермолаева - көргөзмөнүн уюштуруучуларынын бири.