Жоомарт Оторбаев: "Араб координациялык тобунун институттары менен тажрыйба алмашууга кызыкдарбыз"

“Кыргызстан өнүгүүнүн өткөөл мезгилин башынан кечирүүдө жана биз Араб координациялык тобунун колдоосуна кызыкдарбыз. Кыргызстандын Евразиялык экономикалык биримдикке кирүү алкагында республика жагымдуу инвестициялык аянтка айланууда, аны менен катар соода-экономикалык, каржылык, энергетикалык жана маданий-гуманитардык тармактардагы байланыштарды кеңейтүү келечеги бар",- деди Жоомарт Оторбаев. Премьер-министр мындай пикирин 1-ноябрда Араб координациялык тобунун делегациясын кабыл алууда айтты.

Тараптар биргелешкен долбоорлор тууралуу пикир алышты. Премьер-министр белгилегендей, бардык долбоорлор тенденцияны эске алуу менен Кыргызстан экономикасынын шарттарына ыңгайлаштырылышы тийиш.

“Биз Араб координациялык тобунун институттары менен тажрыйба-билим алмашууга, техникалык кызматташууну өнүктүрүүгө кызыкдарбыз”,- деп кошумчалады Оторбаев.

Автор: Автандил Добулбеков