Эсенгул Исаков: “Жергиликтүү бийликке укук берсек, жакшы иштер көбөйөт”

3-ноябрда Аламүдүн районундагы Мрамор айылында мугалимдер үчүн салынган муниципалдык 4 үйдүн ачылышы болду. Ага парламент депутаттары Эсенгул Исаков менен Карганбек Самаков катышканын Жогорку Кеңештин басма сөз кызматы билдирди. Андан сырткары айылдын спортзалынын жана асфальт төшөлгөн 7 көчөнүн ачылыш иш-чарасы өттү.

Депутат Эсенгул Исаков: “Жергиликтүү башкаруу органдарына ыйгарым укук жана ишеним берсек, мындай алгылыктуу иштер арбый тургандыгына ишенем”,- десе, Карганбек Самаков айыл чарба азыктарын сапаттуу сактап, сыртка чыгарууга шарт түзө турган логистикалык борбор жана дүйнөлүк стандарттагы мектеп куруу багытында долбоорлордун үстүндө иштеп жатканын билдирди.

Автор: Жамалидин Парманкулов