Депутаттар калктын биометрикалык маалыматын жыйноо иши кечеңдеп жатканын айтышты

Калктын биометрикалык маалыматтарын жыйноо иши солгундап кетти. Бул тууралуу депутат Абдыманап Кутушев Жогорку Кеңештин Адам укуктары, конституциялык мыйзамдар жана мамлекеттик түзүлүш комитетинин 4-ноябрдагы жыйынында билдирди.

Анын пикиринде, элдин биометрикалык маалыматын жыйноону тездетпесе, 2015-жылдагы парламенттик шайлоого көпчүлүк жарандардын кирбей калуу коркунучу бар.

"Биринчи вице-премьер-министр Тайырбек Сарпашев өзүнүн биометрикалык маалыматын бербегендер парламенттик шайлоодо добуш берүү укугунан ажырашы мүмкүн экенин айтып жатат. Бул иштин башталганына 2 ай болду, бирок 15 миң гана адам маалыматын тапшырыптыр. Демек, тездетиш керек", - деди депутат.

Автор: Жамалидин Парманкулов