Депутаттар Тайырбек Сарпашевдин фирмасына тийиштүү маселени кароону артка жылдырууну колдошкон жок

Биринчи вице-премьер-министр Тайырбек Сарпашев өзүнө таандык фирмадагы мыйзам бузууларды иликтеп чыккан депутаттык комиссиянын иш жыйынтыгы менен таанышып чыга элек. Бул тууралуу депутат Галина Скрипкина Жогорку Кеңештин 5-ноябрдагы жыйынында билдирди. Бул үчүн маселени бүгүнкү күн тартибинен алып салууну сунуштады, бирок депутаттар сунушту колдошкон жок.

Жогорку Кеңеш жыйын жүрүшүндө "Кумтөр" кенине май ташуу жана башка иштердеги мыйзамсыз аракеттери боюнча вице-премьер-министр Тайырбек Сарпашевге таандык компаниянын ишин иликтөө боюнча түзүлгөн депутаттык комиссиянын иш жыйынтыгын бүгүн угат.

Автор: Жамалидин Парманкулов