Жогорку Кеңеште калкты иш менен камсыз кылууга тийиштүү мыйзам долбоору каралууда

Жогорку Кеңеш бүгүн, 6-ноябрда “Калкты иш менен камсыз кылууга көмөктөшүү жөнүндө” мыйзам долбоорун карап, добуш берүүгө жөнөттү. Эмгек, миграция жана жаштар министри Алиясбек Алымкуловдун айтымында, мыйзамдын максаты - калкты иш менен камсыз кылууга көмөктөшүүчү мыйзамдарды өркүндөтүү.

Мыйзам кабыл алынса, Иш менен камсыз кылуу фонду жоюлмакчы. Каттоосуз эле жумушсуз жарандардын иш менен камсыз кылуу кызматтары көрсөткөн тейлөөлөргө жетүү мүмкүнчүлүгү кеңейип, иш берүүчүлөрдүн, мамлекеттик органдардын жана жергиликтүү бийликтин калкты иш менен камсыз кылууга катышуусунун негиздери аныкталат.

Автор: Автандил Добулбеков