Бельгияда айлыктын аздыгынан митингге чыккандар менен полиция кагылышты

Бельгия өкмөтүнүн пенсияга чыгуудагы жаш куракты көтөрүү, айлыктарды жогорулатпай кармап туруу планына каршы 100 миңдей жаран өлкө борбору Брюсселде митингге чыгышты. Чет элдик ММКлардын маалыматтарына караганда, 6-ноябрда полиция демонстрацияга чыккандарды көз ачыштыра турган газ менен кууганга аракет кылса, нааразы тарап таш, темир менен соккулап, ортодо чоң кагылышуу орун алды. Натыйжада 20га чукул адам ооруканага жеткирилгени айтылды. Ошондой эле митингге чыккандар бир нече автоунааны өрттөп жиберишти. Өкмөт башчы Шарль Мишел профсоюз уюмдарынын лидерлери менен сүйлөшүүлөрдү өткөрүүдө. Профсоюздар уюму эгер талаптар аткарылбаса, акция улана берерин билдирүүдө.

Автор: Жамалидин Парманкулов
Фото: Интернеттен алынды