Нурсултан Назарбаев Алмазбек Атамбаевди I даражадагы Достык ордени менен сыйлады

Бүгүн, 7-ноябрда Казакстан Республикасынын Президенти Нурсултан Назарбаев Кыргыз Республикасынын Президенти Алмазбек Атамбаевди Астана шаарындагы мамлекеттик резиденциясында тосуп алды.

Иш-чаранын жүрүшүндө өлкө башчылар эки мамлекеттин министрлери менен саламдашып чыгышты. Андан соң Казакстандын Улуттук Гвардиясынын оркестри эки өлкөнүн мамлекеттик гимндерин аткарышты.

Мындан тышкары Казакстандын лидери А.Атамбаевге эки мамлекеттин ортосундагы саясий, экономикалык жана маданий мамилелерин өнүктүрүүгө салым кошкондугу үчүн I даражадагы Достык орденин ыйгарды.

Автор: Нургазы Аматов
Фото: Нургазы Аматов