Алмазбек Атамбаев: "Кыргызстанда быйыл свет өчүрүүлөр болбойт"

"Казакстандын президенти Нурсултан Назарбаев агайыбыздын жардамы менен эми бизде (ред. Кыргызстанда) маал-маалы менен свет өчүрүүлөр болбойт",- деди бүгүн, 7-ноябрда Кыргызстан жана Казакстандын Жогорку мамлекеттер аралык кеңешинин 4-жыйынынын жыйынтыгында Кыргызстандын президенти Алмазбек Атамбаев. Өлкө башчынын айтымында, казак эли электр энергиясын өчүрүү эмне экенин билишпейт, анткени алардын мыкты президенти бар.

"Биз болсо 2008-2009-жылдары ушундай түйшүккө кабылганбыз. Электр жарыгы жок, караңгылыкта убакыт өткөргөн учурлар болгон. "Ушул кышкы мезгилде да светти маал-маалы менен өчүрүү керек" деп мурунку министрибиз айтып келген, бирок мен макул болгон эмесмин",- деди президент.

Автор: Нургазы Аматов
Фото: Нургазы Аматов