Жогорку Кеңештин тармактык комитети Бишкек-Нарын-Торугарт унаа жолун оңдоо иштерин текшерет

Жогорку Кеңештин Эл аралык иштер боюнча комитети кийинки жылы Бишкек-Нарын-Торугарт унаа жолун оңдоо иштерин текшерет. Муну бүгүн, 17-ноябрда аталган комитеттин жыйынында депутат, комитет төрагасы Каныбек Иманалиев билдирди. Жыйында аталган жолду оңдоого кошумча 15 миллион доллар бөлүү боюнча Азия өнүктүрүү банкы менен кыргыз өкмөтүнүн ортосундагы макулдашуу талкууланууда. Депутаттар бөлүнүп жаткан акчанын пайдаланышынан шек санашты жана долбоордо коррупциялык иштер болушу мүмкүн экендигин айтышты. Мындан кийин Иманалиев: "Азыр макулдашууну жактырып берели. Бирок кийинки жылы көчмө жыйын өткөрүп, курулуш иштери менен жеринен таанышып келели",- деп билдирди.

Сунушту комитет мүчөлөрү жактырышты.

Автор: Автандил Добулбеков