Кыргызстан өз чек араларын сакташ үчүн кошумча күчтөргө жана каржылоого муктаж

Кыргызстан өз мамлекеттик чек араларын сакташ үчүн кошумча күчтөргө, кошумча техникалык каражаттарга жана каржылоого муктаж. Бул тууралуу бүгүн, 26-ноябрда “Кыргызстан өз чек араларын коргой алабы?” деген аталыштагы тегерек столдун жүрүшүндө КРнын Башкы штабынын мамлекеттик Чек ара кызматынын башчысынын биринчи орун басары Искендер Мамбеталиев билдирди.

Анын айтымында, учурда мамлекеттик чек арада аныкталган аймактарда абал тынч. "Кырдаал кышкы мезгилде турукталса, жазгы-жайкы мезгилде курчуйт. Негизги себеп суу жана жер пайдалануу болууда. Бул маселеге көңүл буруу керек. КРнын Куралдуу күчтөрүнүн Генералдык штабы тарабынан бул багытта иш жүргүзүлүүдө",- деди Мамбеталиев.

Автор: Нургазы Аматов
Фото: Нургазы Аматов