Жогорку Кеңеште Бөдөш Мамырова менен Анарбек Калматовдун ортосунда түшүнбөстүк чыкты

Жогорку Кеңештин 17-декабрдагы жыйынында депутаттар Бөдөш Мамырова менен Анарбек Калматовдун ортосунда түшүнбөстүк жаралды. Чыр вице-спикердин депутатка микрофон бербей коюшунан башталды.

Калматов: - Эмнеге мага микрофон бербей жатасыз? Калыс болбойсузбу?

Мамырова: - Эмнеге беришим керек? Процедура менен кетип жатпайбызбы, отуруңуз.

Калматов: - Отурбайм! Мени процедураны билбейт дебеңиз. Сиз ишти алып бара албайсызбы, ал жерде отурбай, кетиңиз.

Мындай айтышуудан кийин Калматов вице-спикердин жанына барып, экөө трибунадан айтыша кетишти.

Депутаттар ортого түшүп, арачалап калышты.

Автор: Жамалидин Парманкулов