Администрациялык жоопкерчилик жөнүндө кодекске кезектеги өзгөртүү киргизилүүдө

Бүгүн, 17-декабрда “КРнын Администрациялык жоопкерчилик жөнүндө кодексине өзгөртүүлөрдү жана толуктоо киргизүү тууралуу” мыйзам долбоору каралды. Долбоор кодекстин ченемдерин ишке ашыруу максатында иштелип чыккан.

Өкмөткө караштуу Мамлекеттик салык кызматынын негизги функцияларынын бири - салык мыйзамдарын сактоого, салыкты бюджетке эсептөөнүн тууралыгына жана өз учурунда түшүрүүгө, мыйзамдар менен белгиленген талаптарга ылайык салык милдеттенмелерин аткаруу боюнча салык төлөөчүлөргө көмөк көрсөтүүгө көзөмөлдүк кылуу. Бирок бүгүнкү күндө Административдик жоопкерчилик тууралуу кодекстин ченемдери жеткиликтүү эмес экенин айтты баяндамачы.

Долбоордо кирешени жашыруу менен салыктан качууда, көзөмөлдүк-кассалык машиналарды (контролдук тасмаларды) пайдаланууга байланышкан документтердин сакталышын камсыз кылбоодо, көзөмөлдүк-кассалык машиналарды колдонбой калк менен акчалай эсептешүүлөрдү жүргүзүүдө, кассалык аппараттан өткөрбөөдө, кардарга кассалык чек бербөөдө же төлөнгөндөн аз сумманы көрсөткөн кассалык чек берүүдө, салык органдарынын кызматкерлеринин көзөмөлдүк-кассалык машиналарды карап көрүшүнө тоскоолдук кылууда администрациялык айып пул салуу жагы каралган.

Мыйзам долбоору 1-окууда добуш берүүгө жолдонду.

Автор: Жамалидин Парманкулов