Мамлекеттик салык кызматы Бажы союзуна киргенден кийинки өзгөрүүлөр боюнча аймактарда жыйын өткөрөт

Мамлекеттик салык кызматы Кыргызстандын Бажы союзуна киргенден кийинки өзгөрүүлөр боюнча өлкө аймактарында семинарларды өткөрөт. Муну бүгүн, 18-декабрда мекеменин маалымат кызматы билдирди.

Жолугушууларда салыкчылар Бажы биримдигиндеги өлкөлөрдүн салык системи, товар импорттоодогу акциздер жана башка маселелер тууралуу салык төлөөчүлөргө кенен маалымат беришмекчи.

Айта кетсек, семинарлар буга чейин Бишкек шаарында, Чүй, Талас, Ысык-Көл облустарында өткөрүлгөн. Декабрь айына чейин башка аймактарда да өткөрүлгөнү жатат.

Автор: Автандил Добулбеков