Энергетика министри: "Ооба, жазында электр энергиясынын тарифтери 20 пайызга өсөт"

Кыргызстанда 2015-жылдын апрель айында электр энергиясынын тарифтери 20 пайызга өсөт. Муну 18-декабрда энергетика жана өнөр жай министри Кубанычбек Турдубаев "Парламент" радиосунун түз эфиринде билдирди. "Өкмөт бекиткен тарифтик саясаттын программасында бул нерсе жазылган, апрель айынан баштап тариф кымбаттайт",- деди министр.

Демек, 1-апрелден баштап абоненттер 700 киловаттка чейинки электр энергиясынын 1 киловатты үчүн азыркыдай 70 тыйындан эмес, 84 тыйындан төлөй башташат.

Эскерте кетсек, азыркы тарифтер боюнча абонент 700 киловатт электр энергиясы үчүн 70 тыйындан, андан ашканына 2 сом 5 тыйындан төлөйт.

Автор: Автандил Добулбеков