Жогорку Кеңеш билим берүү жана илим министрлигине Эльвира Сариеванын талапкерлигин карап жатат

Жогорку Кеңештин 18-декабрдагы жыйынында өкмөт башчы Жоомарт Оторбаевдин сунушу менен билим берүү жана илим министри кызматына көрсөтүлгөн Эльвира Сариеванын талапкерлиги каралып жатат. Жыйында биринчи вице-премьер-министр Тайырбек Сарпашев Сариеваны конкреттүү чечимдерди кабыл алууга жөндөмдүү экенин айтты. Депутат Курмантай Абдиев аны вице-премьер-министр болуп иштөөдө жакшы такшалып калганын айтып, министрликтин ишин алдыга жылдырып кетерине ишенерин билдирди.

Айта кетсек, Сариева учурда вице-премьер-министрлик кызматты аркалап келет.

Автор: Жамалидин Парманкулов