Жоомарт Оторбаев Билим берүү жана илим министрлигинин борбордук аппаратына Эльвира Сариеваны тааныштырды

Өкмөт башчы Жоомарт Оторбаев Билим берүү жана илим министри Эльвира Сариеваны министрликтин борбордук аппаратына тааныштырды. Бул тууралуу бүгүн, 20-декабрда өкмөттүн басма сөз кызматы билдирди.

Сариеваны жамаатка тааныштыруу учурунда өкмөт башчы Оторбаев: "Сариева билим берүү тармагы менен жакшы тааныш. Вице-премьер-министр болуп турганда да өз жумушунда жакшы жыйынтыктарды көргөздү. Анда билим берүү тармагын реформалоого жетиштүү тажрыйба жана билим бар. Алдына коюлган тапшырмаларды аткарарына мен ишенем",- деди.

Автор: Бекжан Рыскулов