Депутаттар сөөк көмүү үчүн жерди акысыз берүү сунушун колдошту

Сөөк көмүү үчүн жерди акысыз берүүгө багытталган мыйзам долбоорун 23-декабрда парламенттин Социалдык саясат боюнча комитети 3-окууда жактырды. Демилгечи депутат Татьяна Левинанын айтымында, мыйзам долбоору сөөктү көмүү жана сөөк коюу иши боюнча коомдук мамилелерди тартипке келтирүүгө жана сөөктү көмүүнү ишке ашырууга, анын ичинде сөөктү көмүү үчүн жер тилкесин акысыз берүүгө багытталат. "Мыйзам кабыл алынып, ишке ашса, бардык жарандар үчүн жер акысыз берилет. Өзгөчө Бишкектеги мүрзөлөрдө сөөктү коюуга жерди берүү бизнеске айланып кетти",- дейт Левина.