Аскер кызматкерлеринин ден соолугун милдеттүү түрдө камсыздандыруу жөнүндө мыйзам долбоору каралды

Жогорку Кеңеште 24-декабрда “Аскер кызматчыларынын жана окуу менен атайын жыйындарга чакырылган аскерге милдеттүүлөрдүн жана аларга теңештирилген адамдардын өмүрүн жана саламаттыгын милдеттүү мамлекеттик камсыздандыруу жөнүндө” мыйзамга толуктоо киргизүү тууралуу” мыйзамдын долбоору каралды.

Мыйзам долбоорунун демилгечилеринин айтымында, аскер кызматчылары, окуу менен атайын жыйындарга чакырылган аскерге милдеттүү жана аларга теңештирилген адамдар майып болуп, бошогондон кийин бир жыл аралыгында курман болсо, анда ага камсыздандыруу негизинде ордун толтуруу каражаты төлөнөт. Ал эми ал адам курман болгонго чейин бир нече ирет камсыздандырылган болсо, анда ал үчүн бир камсыздандыруу каражаты гана төлөнүп берилет. Мисалы, аскердик милдетин өтөөдө майып болуп калса, 1 миллион сомго чейин акы төлөнөт. Эгерде майып болуп, бир жылга жетпей каза болуп калса, 300 миң сомго чейин каражат бөлүнөт.

Автор: Жамалидин Парманкулов