Борбордогу №4-төрөт үйүндө жаңы төрөлгөн наристенин алмаштырылганы айтылууда

"Бишкектеги №4-төрөт үйүндө кечээ, 12-январда жаңы төрөлгөн ымыркай алмаштырылыптыр" деген сөздөр интернеттеги социалдык түйүндөрдүн биринде талкууга алынган. Бул окуя тууралуу бүгүн, 13-январда SUPER.KG порталына Шаардык саламаттыкты сактоо департаментинен төмөнкүлөрдү маалымдашты:

"Борбордогу №4-төрөт үйүндө бала алмаштырылган эмес, ал жерде ата-эне менен дарыгердин ортосунда түшүнбөстүктөр чыккан. Төрөт ымыркайдын атасынын катышуусунда өткөн. Бирок бала төрөлгөн учурда атасы бир аз убакытка сыртка чыккан. Атасы сыртта жүргөндө ымыркай төрөлүп, врач-неонатолог аны кароого башка бөлмөгө алып чыккан. Ал эми наристенин энеси “мен эсимде болчумун, баламды көрсөтпөй чыгарып кетип, аны алмаштырып коюшту” деп ортодо түшүнбөстүктөр чыккан. Ымыркай патология менен төрөлгөн. Азыркы тапта бул окуя боюнча тиешелүү текшерүү-иликтөө иштери жүрүүдө. Толук маалыматты кийинчерээк беребиз”.

Ал эми Саламаттыкты сактоо министрлигинен бул окуя тууралуу: “Ар бир ымыркай төрөлгөндө аны врач-неонатолог кароодон өткөрөт. Бул жол-жобо ар бир ымыркай төрөлгөндө жасалып келет. Бул жерде наристенин энесинин "Мага эмне себептен баламды көрсөтпөй чыгарып кетет?" деген суроосунун айланасында түшүнбөстүктөр чыккан. Азырынча иликтөө иштери жыйынтыктала элек. Жыйынтык чыгары менен кеңири маалымат беребиз”,- деп билдиришти.

Эске салсак, кечээ борбордогу №4-төрөт үйүндө жаңы төрөлгөн ымыркайдын ата-энеси "дарыгер дени сак балабызды оорукчан балага алмаштырып койду" деп чыккан. Учурда бул окуя боюнча териштирүү иштери жүрүүдө.

Автор: Мальвина Уметбекова

10:12 13-01-2015

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (11)

brend007

2015-01-13 10:47:01

генетикалык анализ алса болду

bema_bema

2015-01-13 11:16:47

Анализ эле тапшырса чыгатта,озунун баласыбы же башка экени

Akmosha

2015-01-13 11:32:43

Кантип дароо алып чыгып кетет,торолгондо эненин курсагына 5 мунот болсо да жаткырчу эле го,болбогон жерден чуу чыкпаса керек.

erikkarakulja

2015-01-13 12:24:10

Акча учун да.

Maripa

2015-01-13 13:00:59

Ушул 4-торот уйун жаап эле салыш керек. Антейин десен башка айла жок да. Бала менен эненин анализин алып, текшеришсин. Эгер куноолу болсо жазасын алсын. Бирок мурдагыга карганада ал жакта тартип кучтуу.

gulmi

2015-01-13 17:08:23

Maripa, ата-энеси азамат экен ызы чуу чыгарып ,акырына чейин жеткириш керек.

Begimkyz

2015-01-13 16:10:10

Төрөгөндөн кийин 2 саат энесинин койнунда жатыш керек го бала. Мисалы, Өзгөндө 2 саат жаткан кызым көкүрөмдө анан алып менин көзүмчө эле текшеришкен боюну, салмагыны айтып турушкан.

KIPCHAK-KALMAK

2015-01-13 16:59:49

Begimkyz, Жакшы ощондой кылыш керек

turdumamatova

2015-01-13 19:12:11

Эгер алмашылбаган болсо кантет экен ээ ата энеси

Aysuluuwa

2015-01-13 23:06:51

Мен да ишенбейм алмашылганына.. Бала патология менен төрөлгөн турбайбы,ата-эне үчүн бул нерсе оор тийип, ишендирип келбей жаткандыр

-1

Aysuluuwa

2015-01-13 23:07:45

Кайсы социалдык туйундо талкууга алынды? Айтып койгулачы супер инфо!

Комментарий калтыруу үчүн өз ысымыңыз менен кириңиз же каттоодон өтүңүз.