"Кыргыз почтасы" мекемесин "Кыргыз эл почтасы-банк" деп өзгөртүү сунушталууда

"Кыргыз почтасы" мамлекеттик ишканасын реформалоо сунушталууда. Өкмөттө 13-январда бул боюнча атайын жыйын өтүп, вице-премьер-министр Валерий Диль мамлекеттик банктардын биринин базасында "Кыргыз эл почтасы-банк" мекемесин түзүүнү сунуштады. Жыйында түрдүү сын-пикирлер айтылып, жыйынтыгында аталган институтту түзүү демилгеси колдоо тапты. Мындай мекеме айрыкча айыл жергесинде почта кызматын кеңейтүүгө мүмкүндүк бере турганы айтылды. Өкмөттүн маалымат кызматы билдиргендей, "Кыргыз эл почтасы-банк" мекемесин түзүү варианттарын карап чыга турган жумушчу топ түзүү чечими кабыл алынды.

Автор: Автандил Добулбеков