Укук коргоочу: "Абакта жаткан маалында уул төрөгөн айымдын дагы 2 баласы бар"

"Тиешелүү документтерге ылайык, абакта жаткан маалында уул төрөгөн айым Айжан Өмүралиеванын дагы 2 баласы бар",- деди бүгүн, 14-январда маалымат жыйынында “Кылым шаамы” укук коргоо борборунун жетекчиси Азиза Абдрасулова.

Анын айтымында, айым 2009-жылдын 12-декабрында күйөөгө чыккан. "Анын бойго жете элек 2 баласы учурда ким менен жашагандыгы бизге азырынча белгисиз болууда",- деди укук коргоочу.

“Балдардын укуктарын коргоо лигасынын” өкүлү Наргиза Конушалиеванын билдиришинче, СИЗОдо энеси менен жаткан баланын абалы жакшы. "Укук коргоочулар бул маселени көтөргөнгө чейин ымыркай кылмышкерлер жаткан шарттарда болгон. Мамлекет ар бир баланын саламаттыгына жооптуу",- деди ал.

Эскерте кетсек, кечээ, 13-январда Бишкектеги №1-СИЗОго 2014-жылдын 11-августунда камакка алынган Айжан Өмүралиева декабрь айында төрөгөндүгү тууралуу маалымат чыккан.

Автор: Нургазы Аматов
Фото: Нургазы Аматов