Панфилов районунда мектеп окуучуларын талап-тоноого шектүү жаран кармалды

6-февралда Чүй облусунун Панфилов районунда мектеп окуучуларын талап-тоноого шектүү Каптал-Арык айылынын тургуну, 22 жашар Санжар.Н аттуу жаран кармалды. Чүй облустук ИИББинин басма сөз кызматы билдиргендей, Санжар аттуу жигиттин үстүнө окуучулардын ата-энелеринен 4 арыз келип түшкөн. Арыздануучулардын айтымында, кылмышка шектүү жаран күч колдонуу жолу менен мектеп окуучуларынан акча талап кылып алып турган. Учурда аталган жарандын аракеттери боюнча тергөө иштери жүрүп жатканы белгилүү болду.

Автор: Мээрим Жеңишбек кызы