11 жыл бою дайынсыз жүргөн кыргызстандык жаран табылып, ага депортациялоо сунушталганда, өзүн өзү өлтүрүүгө даяр экенин айткан (фото)

Жумуш издөө максатында Кыргызстандын аймагынан чыгып, акыркы 11 жыл бою дайынсыз жүргөн кыргызстандык жаран Муса Маматов табылды. Бул тууралуу бүгүн, 26-январда SUPER.KG порталына Орусиянын Бурятия Республикасынын Улан-Удэ шаарындагы кыргыз диаспорасынын кеңешчиси Алымбек Абжамилов билдирди.

Анын айтымында, М.Маматовду Улан-Удэнин Железнодорожный районунун Миграция кызматынын инспекторлору мас болуп жүргөн жеринен табышкан. "Учурда аны Кыргызстанга депортациялоо максатында документтерин даярдап жатабыз. Бирок ага мекенине жөнөтүү жөнүндө айтканыбызда, кызынын көзүнчө "Кетпейм, асынып өлөм!" деген. Акыры аны кете турган кылдык. Жакында ал бөлүштүрүү борборуна жөнөтүлөт. Андан соң мамлекеттин эсебинен Ош шаарына чейин депортацияланат",- деди диаспора өкүлү.

Эскерте кетсек, өткөн жылдын ноябрь айында 11 жыл бою дайынсыз жүргөн кыргызстандык Маматов Муса Карабаевич тууралуу маалымат чыккан. Ал 1964-жылы 13-февралда туулган, апасы Оштун Жапалак айылында борбордук мечиттин артында жашайт. М.Маматовдун айтуусу боюнча, апасы Калбү 84 жашта. Биринчи аялынан 2 уулу жана экинчи аялынан 1 кызы бар. Уулдары Данияр 24 жашта, Орозбек 22 жашта, кызы Аяна 19 жашта.

Анын Бурятияда селсаяктар менен тентип жүргөндүгү да айтылган. Мекендештерибиз аны биринчи аялы менен сүйлөштүргөндө, ал айымды сөгүп, "кызымды тапмайынча мага чалба" деген. Андан соң Муса Маматов токойго жумушка кетүүнү көздөп, акыркы эки ай ичинде кайда экени белгисиз болгон. Диаспора өкүлдөрү менен байланышка чыккан анын кызы Аяна атасын издеп, өзү жашап жаткан Красноярск шаарына алып кетем деген.

Автор: Нургазы Аматов
Фото: Нургазы Аматов

11:20 26-01-2015

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (9)

nur-patriot

2015-01-26 11:36:39

ушул адамдын тагдырын өтө начар болду го. КРга кайтса жакшы жакка өзгөрүп кетмек беле
Баары жакшы болуп кетсин

bazar

2015-01-26 11:50:46

Ошто деле арак бар, келип ичип жүрө берсин. Эмнеси болсо да өз эли жери.

baba.

2015-01-26 12:05:10

Олом деп коркутса керекда.Биздин жердешибизда 14жылда атасын таап алып кетти уйуно тынч еле.Бул кишини мынча хит кабар кылдынар......

nur-patriot

2015-01-26 12:08:31

baba., биздин мекендешибиз го акыры. мындайлар канчоо жүрүшөт. менин агам да темселеп жүрүп бишкекке кайтып аман-эсен. ушундай болуп кетсе экен

danyshman

2015-01-26 13:14:14

Оштогу уйу мечиттин артында экен,мумкун уйундо жатып мечиттке келген адамдарды коруп алдыга онолуп кетээр.

Alina1984

2015-01-26 13:38:12

Конуп калса керек да ,селсаяк болуп

yasmina_kg

2015-01-26 19:46:59

Бул бир адамдын тагдыры.Канча деген бир боорлорубуз,оокатын айынан барышып,ар кандай тагдырдын айынан селсаяк болуп журушот.Изилдесе абдан коп дешет.Алардын тагдыры эмне болот.

kama_future_millioner

2015-01-26 23:34:48

Бары жакшы болуп кетсин ыйман берсин өз мекенибизге эле кайтсын

nur-patriot

2015-01-27 10:59:57

чачтары агарып кетиптир

Комментарий калтыруу үчүн өз ысымыңыз менен кириңиз же каттоодон өтүңүз.