Өкмөт жооп берет: Миң-Кушта катталсам, унаама бишкектик номер коё аламбы?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз.

Суроо: - Биз жакында унаа сатып алдык эле. Бишкекте батирде турабыз. Ушул үйдө батирде турганыбызды далилдеп берген маалым кат алып барып, унааны жолдошума же мага каттатып алсак болобу? Экөөбүз тең Миң-Кушта катталганбыз. Унаанын номери Бишкектики эле боюнча калса дегенбиз. Суроо калтырган Салтанат Разабаева.

Жооп: - Батирде турганды далилдеп берген маалым кат менен унааны каттоодон өткөзө албайсыздар. Анткени унаа айдоочунун катталган жеринен каттоодон өтөт.

Суроого Кыргыз Республикасынын Өкмөтүнө караштуу Мамлекеттик каттоо кызматы жооп берди.

Эгер сизде да суроолор болсо, анда "Өкмөт жооп берет" бөлүмүнө кириңиз.

Автор: Нургазы Аматов