Бишкекте "бычактап туруп тоноп кеткен" деп шектелген жаран кармалды

Бишкек шаарында "бычактап туруп тоноп кеткен" деп шектелген жаран кармалды. Бул тууралуу бүгүн, 5-февралда Бишкек ШИИББинен билдиришти.

Маалыматка ылайык, милицияга арыз менен 26 жаштагы шаардын тургуну кайрылган. Анда ал 3-февраль күнү саат 19:00 чамасында Жибек Жолу-Будённый көчөлөрүнүн кесилишинен аны белгисиз 2 жаран бычактап, жанындагы акча каражатын алып кеткенин айткан. Жүргүзүлгөн иликтөө иштеринин алкагында кылмышка шектүү катары 24 жаштагы А.Б. аттуу жаран кармалды. Учурда ал камакка алынып, бул факт боюнча иликтөө улантылууда.

Автор: Мальвина Уметбекова