Бишкекте бала бакчанын 2-кабатынан баланын кулаганын көргөн айым: "Тез жардам" чакыргыла десем, мени кызматкерлер кууп чыгышты"

Борбордогу Кусейин Көлбаев көчөсүндө жайгашкан №113-"Баластан" бала бакчасынын 2-кабатынын терезесинен 1 жаш 9 айлык бала кулап кетти. Бул тууралуу бүгүн, 23-мартта SUPER.KG порталына баланын жерде жатканын көрүп калып, жардамга чакырган Жыпара Сыдыкова билдирди.

"Мен өзүм ошол райондо жашайм. Окуянын болгонуна бир саат боло элек. Ошол учурда бала бакчанын жанынан өтүп бара жаткам. Бир маалда "дүп" эткен үн угулду. Темир тосмонун аркы бетин карасам жерде кичинекей бала жатыптыр, ал эми терезе ачык экен.

Колумдагылардын баарын ыргытып жиберип эле чуркадым да, жардамга чакыра баштадым. Сыртта бир киши жүрүптүр, ошол чуркап келип баланы көтөрө калды. Башы аябай шишип кетиптир.

Мен "Тез жардам" чакыргыла" десем болбой бала бакчанын кызматкерлери ары-бери чуркап, баланы көтөрүп жатышты. "Медициналык кызматкерлерди чакыргыла" десем болушпай, көчөдөн бир унаа кармап баланы салып жиберишти. Менимче, алар милиция келет деп коркушту. Мен баланын кыйналып каларын айтсам, "Кетип кал бул жерден. Баланын аман болушун тиле!" деп кыйкырып урушуп, көчөгө кууп салышты. Эгер мен баланы көрбөй калсам, ал жерде дагы канча убакыт жатмак..."- дейт Ж.Сыдыкова.

Алдын ала маалыматтарга ылайык, баланын апасы да ушул бала бакчада иштейт. Ал баласын көргөндө өзүн жоготуп, кыйкырып ыйлай баштаган. Аны кесиптештери алып калып, баланы башка айым менен айдоочу ооруканага алып кетишкен. Учурда бала кайсы ооруканада экендиги белгисиз болууда. Чакыруу болбогондуктан, "Тез жардам" кызматы ал жерге барган эмес.

Автор: Мальвина Уметбекова

13:07 23-03-2015

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 919 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 580 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 1633 0

23:22 2025-06-17 | Саясат

Садыр Жапаровдун Астанага болгон иш сапары аяктады 232 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1375 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 455 0

Архив

Комментарийлер (13)

begai93

2015-03-23 13:18:33

Ай шалаакылар ай!баланы озунон башкага ишенбей турган заман болуп атат.антейин десен иштеш керек акча табыш керек.ишенип берген садикте ошентип карашса анда билбейсин эмне қылышты!

Rifle

2015-03-23 14:43:09

begai93, озунуз ким болуп иштейсиз?

Xabibbullo

2015-03-23 13:24:03

Ошол кууп чыккан кызматкерлерди жоопко тартып соттош керек

Rifle

2015-03-23 14:41:56

Мумкун алар туура кылган, башка машина менен оорукана жеткирип. 103ко чалып, тез жардамды кутуп отуруп убакыт кетирген жок. Кубо болгон эже корду, жардамга чакырды, эми баарына жар салып эрдик кылып жатабы?
Жарпайып отуруп алып ар нерсени жаза бербей, ар ким озубуздун ишибизди так аткаралы.

Kalin466

2015-03-23 14:10:15

Бала бакчанын терезелерин жаап коюш керек ко,коопсуздук эрежелер боюнча.

bom.bon

2015-03-23 14:36:47

Тез жардам келгинче кайра алып барышса жакшыго тезиреек жетет!

Shai

2015-03-23 15:15:28

bom.bon, Ооба азыр тез жардам чакырсан эрте келгенде 1 саатта келет ага чейин бала жата бериш керекпи тез жардам кутуп. Башка машинага салып жоноткону дурус болуптур. Азыр биздин кыргыздар баары кылдан кыйкым издеп калган. Эгер тез жардам куткондо башка машинага салып жонотпой тез жардам кутушуп туруп алды демекпиз. Ал баарыбызга белгилууда. Неси болсо да бала аман болсун.

anyay

2015-03-23 15:11:17

дайым уройду учурган окуялар коп жазылат, коркуп да кетет экенсин

airwater

2015-03-23 15:14:46

ХХХ ХХХ ХХХ... Эмнеси болсо да абдан кайгылуу окуя болуптур. Чын журогумдон айыгып кетишин тилейм...

admin_portal

2015-03-23 15:32:58

airwater, саламатсызбы!
Сунушуңузга рахмат.

modem4999

2015-03-23 15:44:14

Тезжардам десе биз тигинисин куйгусуп алып тез эле жетип келет деп элестетебиз, бирок кудай аларга кун тушурбосун шашпай эле келишет .Андан корок шаардын тиги четиндеги тууганынды чыкыр ошол батыраак келет

deva

2015-03-23 17:40:10

1 жаш 9 айлык баланы эмнеге алышат, менимче 2 жаштан баштап алышса керек эле

bom.bon

2015-03-23 17:59:05

Ошол баланы апасы иштейт экен ушул бакчада деп туратко?баласын уйго калтырып кантип ишке кетмек е!Айыгып кетсин эми

Комментарий калтыруу үчүн өз ысымыңыз менен кириңиз же каттоодон өтүңүз.