“Элдик лотереянын” жетекчиси камакка алынып, компаниянын иши токтотулду

Каржы рыногун жөнгө салуу жана көзөмөлдөө мамлекеттик кызматынын мурдагы жетекчиси Юруслан Тойчубековго издөө жарыяланды. Бул тууралуу бүгүн, 30-июнда ИИМден билдиришти.

Белгилүү болгондой, Бишкек шаарынын Биринчи Май райондук соту Юруслан Тойчубековду камакка алуу боюнча сырттан өкүм чыгарган. Ал "коррупция" жана "кызматтык абалынан кыянаттык менен пайдалануу" беренелери менен айыпталууда.

Юруслан Тойчубеков Каржы рыногун жөнгө салуу жана көзөмөлдөө мамлекеттик кызматын жетектеп турганда “Райдер Ассошиэйте Лимитед” (Кыргыз Республикасында “Элдик лотерея”) компаниясынын директору, Түркиянын жараны Хасан Чифтчи ушул эле өлкөнүн жараны Танжу Кылычка компаниянын Кыргыз Республикасындагы филиалын ачууга макулдугун берген.

2013-жылдын 18-январында аталган компаниянын Кыргыз Республикасындагы филиалы өлкөнүн Юстиция министрлигинен каттоодон өтүп, лицензияга ээ болгон. Ушул мөөнөттөн баштап Танжу Кылыч жана Мээрим Сыркынты аттуу Кыргыз Республикасынын жараны экөө Каржы рыногун жөнгө салуу жана көзөмөлдөө мамлекеттик кызматынан “Лотерея оюндарын өткөрүү боюнча күбөлүк” алууга керектүү документтерди даярдай башташкан. Белгилүү болгондой, аталган лицензияны кызматтын мурдагы жетекчиси Юруслан Тойчубеков мыйзамсыз берген. Ошондой эле Юруслан Тойчубеков өз буйругу менен компанияны пайдадан түшүүчү 10 пайыздык төлөмдөн бошотуп койгон. Ушул пайдадан түшчү салыктын өзү эле 31 миллион сомдон ашкан.

Учурда “Райдер Ассошиэйте Лимитед” компаниясынын Кыргыз Республикасындагы филиалынын жетекчиси Танжу Кылыч жана анын башкы эсепчиси Мээрим Сыркынты кармалып, экөө тең 2 айга СИЗОго киргизилген. Ал эми лицензияны мыйзамсыз берген Каржы рыногун жөнгө салуу жана көзөмөлдөө мамлекеттик кызматынын мурдагы жетекчиси дайынсыз болуп жаткандыктан, ага издөө жарыяланып, айып сырттан угузулган.

ИИМдин Тергөө башкы башкармалыгынын жетекчисинин орун басары Нурлан Утемисовдун билдиргенине караганда, “Элдик лотерея” өз ишин токтотту.

Автор: Гүлжан Асанкожоева

16:17 30-06-2015

Жазылуу

РУБРИКАДАГЫ СОҢКУ КАБАРЛАР

15:40 2025-05-16 | Бизнес-Инфо

Элдик Банктан 3% менен газдаштыруу мүмкүнчүлүгү 11 0

15:12 2025-05-16 | Супер-Инфо

Дофамин модасы: кийим адамды бактылуу кыла алабы? 57 0

15:04 2025-05-16 | Коом жана турмуш

Аптаптуу ысыкта калаадагы көчөлөргө суу чачылууда (видео) 277 0

14:52 2025-05-16 | Коом жана турмуш

“Альпинизм жана айымдар”. Эверестти багындырган алгачкы кыргыз айымы Асел Байбагышева менен маек (видео) 3433 0

14:21 2025-05-16 | Супер-Инфо

Интернетке көз карандылык жана анын зыяны 119 0

13:54 2025-05-16 | Коом жана турмуш

Ак-Буура дарыясына түшүп кеткен баланын сөөгү табылды 599 0

Архив

Комментарийлер (17)

jazgul80

2015-06-30 16:33:48

Эрмек нурбаев жакшы оюн элдик лотерея деп жатты эле го

perichte

2015-06-30 16:45:29

Эшек сойгон компания боюнча да Ю.Тойчубековдун кулагы коруно калып тынчып калды эле...эми табылып жооп берээр бекен же дагы чулп этип чумкуп кетээр бекен...?

Medina87

2015-06-30 16:51:25

Элдик лотереянын эпкини кучтуу эле го? Кыргызстанда болсом мен да ойномокмун деп кыялдануучу элем.

-1

Mercedes202

2015-06-30 16:59:03

Мен коп ойноп ута албай жаттым эле чын жакшы оюн болчу бирок билеттердин саны коп утуштар аз болчу

-1

boyka.kg

2015-06-30 17:09:43

жакшы кылыптыр

ularik_kg

2015-06-30 17:11:50

эми бул элдик лотереяда биратта депутатка жакпай калгандырда.

MIRlan

2015-06-30 17:16:34

Жакшы болуптур. Лохотрон болчу.

black.prose

2015-06-30 17:23:22

Каап алып ойносомбу деп атпадым беле...

Asus77

2015-06-30 17:52:01

Ойногула,уткула! ))))))

-1

bakyt_2015

2015-06-30 18:14:59

Ю.Тойчубековту дурус киши го дечу элем,корсо бул деле коп бок курсактын бири экен да.Акча болгон сайын адамды сыйкырлап ээрчитеби дейм. Болбосо бийликте журду, депутат болуп журду олбогондой эле акчасы болсо керек.Онгодон эшек бизнесте аты чыкканда ушунчалык конулум айныды ушу кишиден.

Lenin

2015-06-30 18:16:44

Миллонду утпай калдык бы эми!

elika86

2015-06-30 20:42:41

Билеттерди емне кылабыз акчабызды кайтарып береби еми

Sake80

2015-07-01 08:47:53

эми жапкандан кийин биротоло жаап салышсын канча кишинин акчасын алдап жеп атышат.Же бир уткан киши корбойсун

elika86

2015-07-01 12:51:06

Менин класташым утту бир миллион супер инфо билип бергилечи билеттердин акчасын кайтарып берет бекен рахмат

admin_portal

2015-07-01 13:04:17

elika86, саламатсызбы!
Аракет кылабыз.

fanatka19

2015-07-01 18:33:44

Алган билеттерибиз не болот ошондо?

Комментарий калтыруу үчүн өз ысымыңыз менен кириңиз же каттоодон өтүңүз.