"Дордой" футболдук клубу "Алга" клубуна 2:1 эсебинде утулуп калды (фоторепортаж)

"Дордой" - "Алга" - 1:2

Голдор: Азизбек Келдияров (54-мүнөт) - Иван Филатов (15-мүнөт, 90-мүнөт)

Бүгүн, 21-октябрда Бишкекте футбол боюнча өлкө чемпиондугу - ТОП-Лиганын кезектеги турлары өтүп жатат. Чемпиондук үчүн күрөшүп жаткан "Дордой" клубу өз үйүндө "Алга" менен ойноп, 2:1 эсебинде утулуп калды. Беттештин 15-мүнөтүндө Иван Филатов гол жаратып, эсеп катыштыгында "Алганы" алдыга алып чыкты. "Дордойчулар" 1-таймда бир топ ыңгайлуу мүмкүнчүлүктөрдү жаратышканы менен, гол киргизе алышкан жок. Оюндун 2-таймында "Дордойдун" чабуулчусу Алмазбек Мирзалиев алмаштырылды. Анын ордуна Азиз Келдияров чыкты. Оюн бир топ жандана түшүп, арты-артынан чабуулдар уюштурулду. Жыйынтыгында
А.Келдияров 54-мүнөттө эсепти теңеди. Андан ары оюн кызуу уланып, командалар болгон күчүн сарпташты. Оюндун 90-мүнөтүндө "Дордой" чабуулда топ жоготту. Бул учурдан пайдаланган "Алганын" оюнчулары каршы чабуул уюштуруп, экинчи голду жаратышты.

Мелдеш жадыбалы