Бишкектин мурунку мэри Кубанычбек Кулматов Кыргыз-орус өнүгүү фондунун төрагасы кызматына дайындалды

Кубанычбек Кулматов

Нурсулуу Ахметова

Нурсулуу Ахметова Кыргыз-орус өнүгүү фондунун төрайымы кызматынан бошотулду. Тиешелүү буйрукка премьер-министр Темир Сариев кол койгонун бүгүн, 14-мартта өкмөттүн басма сөз кызматы жарыялады.

Маалыматка ылайык, премьер-министрдин башка буйругу менен Кыргыз-орус өнүгүү фондунун төрагасы кызматына Кубанычбек Кулматов дайындалды. Буга чейин К.Кулматов Бишкектин мэри кызматында иштеген. Ал 2016-жылдын 9-февралында кызматтан кетүүгө арыз жазган.

Белгилей кетсек, аталган фонд 2015-жылы түзүлгөн, уставдык капиталы 500 миллион доллар. Бүгүнкү күнгө карата фонддун эсебиндеги акчанын суммасы 350 миллион долларга жетти. Калган 150 миллион доллары 2016-жылдын 29-майына чейин этап-этабы менен берилмекчи. Фонд ЕАЭБге кошулуу шартында кыргыз өлкөсүнүн экономикасын өнүктүрүү максатын көздөйт. Фонд быйыл 100 миллион сомдон ашуун суммада 15 долбоорду каржылай турганы маалымдалган.

Автор: Нургазы Аматов