Нарын облусунда "12 жаштагы кызды зордуктоого аракет кылган" деп айыпталган жаран 20 жылга эркинен ажыратылды

Нарын облусунда "12 жаштагы кызга карата сексуалдык мүнөздөгү аракеттерди жасаган" деп айыпталган жаран 20 жылга эркинен ажыратылды. Бул тууралуу бүгүн, 31-мартта SUPER.KG порталына Нарын ОИИБинин басма сөз кызматынан билдиришти.

Маалым болгондой, Кочкор районунун 32 жаштагы М.А. аттуу тургуну "кошунасынын 12 жаштагы кызын зордуктоого аракет кылган" деген шек менен 2015-жылдын ноябрь айында камакка алынган. Кочкор райондук сотунун чечими менен 30-мартта айыпталуучу күнөөлүү деп табылып, 20 жылга эркинен ажыратылды.

Эскерте кетсек, 2015-жылдын 25-ноябрында Кочкор районунун Шамшы айылынын 32 жаштагы тургуну өзүнүн кызы менен ойноп жаткан 12 жаштагы кошунасынын кызын тоокканага алып кирип зордуктоого аракет кылган.

Автор: Алина Токтакунова
Фото: Интернеттен алынды