ЭЛДИК КАБАР: Кочкордо 4-класстын окуучусу сейрек кездешүүчү мадыл жандыгын кармап алды

Кочкор районунун Дөң-Алыш айылынан алыс эмес Мадияр жайлоосунан жергиликтүү чабандар сейрек кездешүүчү мадыл жандыгынын баласын кармап алышты. Бул тууралуу окурман SUPER.KG порталына Whatsapp аркылуу билдирди.

"Кой жайып жүргөн 4-класстын окуучусу Эмил уулу Мырзабек чанда кездешүүчү жандыкты көрөр замат ээрчитип жүргөн иттерине кубалаткан. Жаш мадыл таштын коңулуна кире качкан. Мырзабек дароо мойнуна сыйыртмак ыргытып, артына жүргөн жем баштыгына салганга жетишкен. Аны Бекташ Байсалов деген мергенге алып барган. Учурда ал жандык тордо камалып турат.

Бекташ мергенчи мадылды К.Мамбеталиев атындагы орто мектептин зоологиялык музейине тартуу кыларын, сейрек кездешүүчү мындай жандыкты биология мугалими Жанат Кокобаев катырары маалым болду. Кызыгы, бул мадыл боюн жыйрып, көрсөтпөөгө аракет кылат экен. Кадимки мышыкка окшогону менен, маңдайкы 4 тиши чоң келип, куйругунун жоондугу да өзгөчө экен", - дейт окурман.

Маалымат үчүн: Мадыл - мышыктар уруусундагы сүт эмүүчү. Денесинин узундугу 50 сантиметрге жетет, куйругу 21-31 сантиметрди түзөт. Өлкөнүн түндүк аймагында, Ысык-Көл, Чүй, Тянь-Шань тоолорунда: Үзөңгү-Кууш, Сары-Жаз, Ак-Шыйракта жана башка жерлерде өткөн кылымда кенен таралган. Мадыл токойсуз, бадалсыз, ачык жерлерди, тоонун сырттарын, тоо бетиндеги шагыл таштар, аскалардын жаракаларын мекендейт. Бул жандыктын көбүрөөк жолуккан жерлери - кемирүүчүлөрдүн топ-топ болуп жашаган жерлери. Мадыл суур ийининде жашайт. Ал сейрек кездешет, андыктан 1975-жылдан тартып Кызыл китепке киргизилген жана коргоого алынган.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

12:39 24-06-2016

Автор: Максат Кудайбердиев

Жазылуу

РУБРИКАДАГЫ СОҢКУ КАБАРЛАР

09:50 2024-04-24 | Спорт

Ошто оор атлетика боюнча өспүрүмдөр арасында өлкө биринчилиги өтөт 49 0

09:46 2024-04-24 | Түркүн дүйнө

"Көрүстөнү болбойт". "Крокуста" өлгөн ырчынын апасы уулунун өлүмүн далилдей албай жатат 163 0

09:45 2024-04-24 | Коом жана турмуш

Бишкекте карызы бар абоненттердин электр жарыгы өчүрүлөт 69 0

09:27 2024-04-24 | Спорт

Акжол Махмудов Олимпиаданын финалындагы атаандашы менен Бишкекте жолукту 369 0

09:26 2024-04-24 | Коом жана турмуш

Бүгүнкү күнгө карата доллар менен рублдун курсу 253 0

09:07 2024-04-24 | Саясат

Алтынбек Максүтов Азербайжандын маданият министри менен жолукту 138 0

Архив

Комментарийлер (32)

Vacant

2016-06-24 14:12:34

Чон адам эмес кичинекей балдарыбызда деле аео сезими калбаптырго иттери менен кубалап зыянсыз жандыкты кармап алса. Аны болсо мактанып жазып жатышат. Билимсиздик жана мыкаачылыгыбыз качан калат? Мугалим сорой катырып коем дейт, сейрек кездешкен, кызыл китепке кирген жаныбыр экен кое берели дегендин ордуна.

Mahamadaly

2016-06-24 14:26:09

Мадылды өлтүрбөй эле кое берсеңер болбойбу эми, өзү сейрек кездешсе, анан өлтүрбөй эле койсоңор...

aikol87

2016-06-24 14:31:29

Койберип койгулачы сураныч.Катырып эмне кыласынар

mahabat.

2016-06-24 14:53:24

кетти смартфон авторго

-5

D.Malikov

2016-06-24 15:50:58

Откон кылымда коп болчу бул сыяктуу жаныбарлар,бугунку кундо болсо эсептелуу эле калыптыр,,адамдардын баары эмес,бирок аларды олтургондор кандай гана мыкаачылар!!!

bolsunalban

2016-06-24 16:10:11

Өзү сейрек кездешкен жаныбар болсо, катырып коёбуз дегенине жол болсун.

azema96

2016-06-24 16:15:36

Байкуш жаныбардын да уйбулосу бар го, мугалим агайдын жаратылышты жандандыруунун ордуна катырабыз дегени туура эмес. Капаста кармалып турганынан пайда жок, коюп жибергенинер эн туура сапат!

kg_boy__91

2016-06-24 18:42:18

Былтыр жайлоодо калып кеткен мышыкго

-3

Rasul_Rahmanaliev

2016-06-24 19:05:06

биринчи жолу көрүшүм..Кое берүү керек.

FSB

2016-06-24 19:14:55

Okuuchunu, mergenchini joopko tartysh kerek.Mugalim soroi jandykty katyra turgan bolso any da kamash kerek.

kochkor.siti

2016-06-25 02:47:10

красавчик иним бирок кыйнабай койберип койгула

mishonia8077

2016-06-25 12:08:15

Кишини олтуруп салды десе мынча болушпайсынар го тим эле баарынар боорукер боло каласынар да.Оозунарга карап суйлогулочу мастерсинер дебей.Бала деле жаман оюу жок жазса керек.Кичинекей баланы мыкаачы деп.Озунордун балдарынар барбы деги

-1

mishonia8077

2016-06-25 12:11:11

Адам баласын катырып койгонду кордунор беле жазат десе эле жаза бересинерби

-1

admin_portal

2016-06-26 12:52:37

albertkg95, провокация жаратуучу билдирүүлөргө тыюу салынат! Эскертүү!

admin_portal

2016-06-26 13:00:00

Rashinboy, этика нормаларын сактаңыз! Сиздин эскертүү сызыгыңыз толгондугуна байланыштуу сизге түбөлүк БАН!

Комментарий калтыруу үчүн өз ысымыңыз менен кириңиз же каттоодон өтүңүз.