Түркияда адам өлүмүнө шектелип 21 жаштагы кыргыз жараны кармалды

Түркияда адам өлүмүнө шектелип 21 жаштагы кыргыз жараны кармалды. Бул тууралуу бүгүн, 8-августта түркиялык басылмалар жазышууда.

Басылманын маалыматына караганда, окуя 2-август күнү Конья шаарындагы үйлөрдүн биринде болгон. Анда 24 жаштагы үй ээси Муаммер Башактын жансыз денеси табылган. Бул кылмышка шектелип 21 жаштагы Б.Канзада аттуу кыз жана С.Хусейин аттуу түрк жараны кармалган.

Кыргыз жараны Б.Канзада берген көрсөтмөсүндө Түркияга 2016-жылдын башында жумуш издеп келгенин айткан. “Мен Кыргыз жериндеги мейманканалардын биринде иштечүмүн. Анан бир тааныш жигит “Анталиядан жакшы жумуш таап берем” деп бул жакка алып келген. Бирок ал менин 3 миң доллар карыз экенимди жана ал карыздан кутулуу үчүн сойкулук менен алектенишим керек экенин айтты. Кийин Муаммер Башак менен таанышып, ал мени Коньяга алып келди. Экөөбүз бирге жашап жүрдүк”, - деп билдирген.

Ошондой эле ал көңүлдөшү Муаммер Башакты кантип өлтүргөнүн айтып берген: “Окуя болгон күнү Муаммер Башак үйгө мас абалда келип, мени сабады. Ызама чыдабай С.Хусейин аттуу таанышыма чалып, окуя тууралуу айттым. Ал “сени өлтүрө электе, биринчи аны өлтүр” деп кеңеш берди. Муаммер Башак уктап жатканда моюн орогуч менен муунтуп өлтүрдүм. Кийин С.Хусейинден жардам сурасам, ал баш тартты. Жансыз денени жашырууга аракет кылдым, бирок жалгыз алым жеткен жок. Анан үйдү бекитип, Кайсери шаарындагы таежемдин үйүнө кетип калдым”.

14:27 08-08-2016

Автор: Бекжан Рыскулов
Фото: Интернеттен алынган

Жазылуу

РУБРИКАДАГЫ СОҢКУ КАБАРЛАР

09:51 2024-04-27 | Саясат

Президенттик администрацияда коммерциялык эмес уюмдардын иштөө тартиби талкууланды 27 0

22:38 2024-04-26 | Кылмыштар, кырсыктар

Токтогулдун 60 жаштагы тургуну баңгизат менен кармалды 555 0

21:37 2024-04-26 | Саясаттагы соттук иштер

Шайлообек Атазов депутаттык мандаты боюнча Жогорку сотко кайрылды 1145 0

21:23 2024-04-26 | Коом жана турмуш

Бишкекте техникалардын дөңгөлөгүн жуучу жабдуу орнотпогон курулуш компаниялары жабылат 727 0

20:49 2024-04-26 | Кылмыштар, кырсыктар

Ысык-Көлдө 17 жылдан бери издөөдө жүргөн шектүү кармалды 1171 0

20:11 2024-04-26 | Коом жана турмуш

"Күтүп калбаңыз". Бишкекте бүгүн 20:30дан кийин №5 троллейбус токтотулат 557 0

Архив

Комментарийлер (20)

Almaz-93

2016-08-08 15:29:16

Бул кыздын ата-энеси байке иниси дегиле эркек тууганы барбы карабайбы эмне кылып жүргөнүн. Биздин кыздарда баш жок калды. Турктор өздөрүн кыздарын бузбай орто Азия чет өлкөдөн сойкуларды алып келишет. Демек кыргыз элим биз кыздарыбызды сойкулука даярдап өстүрөбүзбү.

nurikkg1

2016-08-08 16:15:16

Almaz-93,эн туура айтасын

-1

Mongol1155

2016-08-08 16:13:08

21 жашында ушундай иштерди жасаса,ал эмне деген кыз?Шумдугун кургур...

Arlenchik

2016-08-08 16:23:15

Байкуш кыз алданып калыптырда,жумуш берем деселе ээрчип кете бербей,тактап анан баргылачы, негизиле кыз кишилердин чет жака чыгып иштешине каршымын,кыздар мекенибизделе иштегилечи.

-3

Bakyi

2016-08-08 17:57:38

Кыздарга кырк жерден тыю
Жалгыз башына кыздардын башка олкогода чыгуусунада тыю

-2

Aziz_aka

2016-08-08 17:59:50

Кана ал кыздын суроту кайсыл жерде туулгандыгын жазса болмок

-2

Stervashka

2016-08-08 18:30:16

Байкуш кыргызымдын кыздары не деген гана кунду корбой атышат. Сабаса ыза болгонго, пайдаланып алып. Бир жагы ырас кылыптыр бирок турмого жаш кунуно тушуп.

-1

Altynaika01

2016-08-08 18:49:32

Ызага тушуп, уктап жаткан немени муунткуча качып кетбейт белен.кыска ойлук кылбай.эми жаш омурун турмодо отот.жакшы иш болбоптур....окунучту

-1

Syper.kelin4ek

2016-08-08 19:09:29

Айланайын чет жерде журуп байып кеткендер жок, оз мекенинерде эле иштегиле башка жака, эрге тийгенде эринер менен чыккыла чогу.

Makain

2016-08-08 19:48:53

###### ошону кормоксун.

-3

tin4a

2016-08-09 01:09:29

Дагы канча кыргыз кыздар кор болуп журсо керек,ата-энесине отельде иштеп атам деп.

-3

Adilet_adi

2016-08-09 19:33:34

Ооба кыргыз кыздары чет жакта иш жок сойку болуп жургонун коруп билип эле журобузго . Албетте баары эмес Бирок табылат 100доп

karona

2016-08-09 20:30:59

А кокуй, бул иштин ичинде дагы бир иш бардай. С Хусейин да сообщения эмес.

almaz90

2016-08-10 01:42:03

Кундо эле жашоо ширин боло бербейт артын ойлош керек..

orhideya-12345

2016-08-10 02:15:26

Кайсы кыз эле чет жака чыгып иштеп келем деп козу учуп туруптур,Кыргызстанда жумуш толтура болгондо ушул жерде эле иштемек баары...

mi2000

2016-08-12 17:21:37

Кызга кырк уйдон тыйуу. Кыз баланы жалгыз алыска чыгарууга болбойт.

Комментарий калтыруу үчүн өз ысымыңыз менен кириңиз же каттоодон өтүңүз.