Баткен. "Өспүрүм кызын зордуктаган" деп шектелген жаран мамлекет аралык издөөгө жарыяланды

Баткен облусунда 16 жаштагы кызын зордуктап жүрүп, кызы кош бойлуу болуп калганда Орусияга качып кеткен жаран мамлекет аралык издөөгө жарыяланды. Бул тууралуу бүгүн, 10-августта SUPER.KG порталына Ички иштер министрлигинин басма сөз кызматынын жетекчиси Бакыт Сейитов билдирди.

"Окуя 2015-жылы болгон. Анда аялы ооруп, шаарга 2 айга дарыланганга кеткенде 1973-жылы туулган жаран 16 жаштагы кызын зордуктап жүргөн. Кийин кызынын боюнда бар экенин билип, өткөн жылдын декабрь айында Орусияга чыгып кеткен. Учурда ал кайсы шаарда экени белгисиз. Кылмышка шектүүнүн апасы небересин Тажикстанга алып барып дарынын жардамы менен төрөткөнү маалым. Бала тирүү же өлүү төрөлгөнү белгисиз, ымыркай Марказ айылына алынып келинип жерге берилгени айтылууда. Кийин 16 жаштагы кыз катуу ооруп калып дарыланган, бул тууралуу кеп айылга тарап, окуя тууралуу белгилүү болгон. 5-август күнү кылмышка шектүүнүн аялы окуяны милицияга билдирип, арыз жазган. Учурда бул факт боюнча кылмыш иши козголуп, кылмышка шектүү мамлекет аралык издөөгө жарыяланды", - деп билдирди Сейитов.

Маалыматка ылайык, учурда тиешелүү экспертизалар дайындалып, милиция кызматкерлери Тажикстанга да жиберилген. Алар кыздын кайсы ооруканада төрөгөнүн жана ымыркай кайсы жакта жерге берилгенин иликтеп чыгышмакчы.

"Бул үй-бүлө окуяны жашырууга болгон күч-аракеттерин жумшаган. Бирок бул тууралуу айылга белгилүү болгондон кийин кылмышка шектүүнүн аялы милицияга арыз менен кайрылган. Кылмышка шектүүнүн ата-энеси 70 жаштан өтүп калган, окуя тууралуу бирин айтса, бирин жашырууда. Учурда иликтөө иштери жүрүп жатат, себеби арыз ээсинин сөздөрүнөн башка далилдер жок болууда. Жакынкы убакыт аралыгында баары белгилүү болот", - деп кошумчалады Сейитов.

Автор: Мальвина Уметбекова

11:31 10-08-2016

Жазылуу

РУБРИКАДАГЫ СОҢКУ КАБАРЛАР

12:03 2025-06-18 | Кылмыштар, кырсыктар

Чүйдө төрөттөн кийин 36 жаштагы келин каза болду 8 0

11:53 2025-06-18 | Саясат

Депутат энергетикалык суусундуктарга тыюу салууну сунуштады (видео) 58 0

11:42 2025-06-18 | Түркүн дүйнө

Илон Маск баңгизат колдонбогонун тастыктаган тесттин жыйынтыгын жарыялады 154 0

11:34 2025-06-18 | Саясат

Президент: "Эгер депутаттар митингчилерди ээрчигенде Борбор Азияда абал башка нукка түшмөк" (видео) 222 0

11:33 2025-06-18 | Түркүн дүйнө

Трамптын Байденге "окшошуп бара жатканы" айтылууда 332 0

11:20 2025-06-18 | Коом жана турмуш

ӨКМдин куткаруучусу Эл аралык мелдеште 4-орунду алды 82 0

Архив

Комментарийлер (14)

rukopashnik

2016-08-10 11:35:10

Ташбараңга алыш керек мындайларды,тууган урук,айылдаштары

-4

KG.Kushtarbek

2016-08-10 11:43:52

Оххо уят еле еми кантип журот ел мн

-7

Agysha

2016-08-10 11:46:50

Иий мындайды эч кимдин башына бербесин. Эмне болуп атасынар айланайындар, бир кана олум жазасын ачып токтотпосок болбой калдыго, кучогондон кучоп атат.

+12

Sema87

2016-08-10 12:10:26

Бул да Марказдан боло бекен?

-7

skarpion-90

2016-08-10 12:55:18

баткенге не болгон

-8

Agysha

2016-08-10 15:03:25

skarpion-90, баткенге эмес, элге эмне болуп атат десен окшошот.

AKCAHAT

2016-08-10 15:34:07

Куру намыс деп журуп дагы мине болуп кетет экенбиз, ошол 70 ата энеси баш болуп кызды до конца омурун келечегин талкалаптыр. Уятсыздар

Belek2070

2016-08-10 16:31:48

Бул ишти жашырып элге угузбай тынчытыш керек эле, эми жер бетинде кантип басып журосун. Толук маалымат берсенер, оз кызыбы же огой кызыбы? Оз кызы болсо кантип колу барды акмактын. Кызы да эртерек зордолуп жургонун апасына айтса болмок, арак ичкен немего аты жонун жазсанар.

-2

alaibekovich

2016-08-10 18:39:30

Ыйман жоктугунан

-1

tolik1995

2016-08-10 19:08:50

Оо кудай эмнелер болуп жатат я?! Жолоочу аялды баласынын козунчо анан кыйла жашка чыккан чон-энени. Эми оз кызынан пайдалангандар да жаралган беле? Башын иштетип кызын окутуп жакшына турмушка узатуунун ордуна напсин тыя албай озу да тентиреп башка элде бул жактагыларын да элге уят кылып эех. Оо кудай озун ыйман ынсап бере кор. ;(

-1

marjan00

2016-08-10 19:51:01

Аллахым өзүң сакта!

-1

Tenirova

2016-08-10 20:21:11

Урматтуу супер инфо ушул окуя туралуу толук фамилья атын жазсаныздар. Сураныч

-1

orhideya-12345

2016-08-10 23:56:17

Эмне деген заманга келип калдык,мен бул корунуштордун баарына эркектерди кунолойм айбандан айырманар калбай калдыго...

-1

Frunze74

2016-08-11 00:19:53

orhideya-12345, анда куноологонду алгач атандан, ага-инилеринден жана куйоондон башта, кийинчерээк тизмеге оз уулдарынды кошууну унутпа!!!

-1

Комментарий калтыруу үчүн өз ысымыңыз менен кириңиз же каттоодон өтүңүз.