Белгилүү ырчы Григорий Лепс "Жаңы толкун" сынагында Нурсултан Азыкбаев менен дуэт ырдоону тандады

Орусиялык ырчы Григорий Лепс

Жаш ырчы Нурсултан Азыкбаев "Жаңы толкун" сынагынын финалында орусиялык белгилүү ырчы Григорий Лепс менен ырдайт. Бул тууралуу SUPER.KG`ге Назбек Кенчинбаев билдирди.

"Нурсултан "Жаңы толкун" сынагынын 1-2-турунан өтүп, финалга чыкты. Менин билишимче, финалга чыккан ырчылардын арасынан Нурсултанды Григорий Лепс өзү тандап алыптыр. Эми финалда ал Лепс менен чогуу дуэт аткарат. Эртең, 23-августта сынакка даярдануу үчүн Москва шаарына учуп кетет. Учурда Нурсултан сынакка кызуу даярданып жатат. Ал жакта музыканы түшүнгөн, мыкты музыканттар отурат эмеспи, буюрса, биздин жигит жакшы ийгиликтерге жетишет деп ишенебиз, үмүт кылабыз", - деп билдирди Н.Кенчинбаев.

Белгилей кетсек, "Жаңы толкун" музыкалык сынагы 3-9-сентябрь күндөрү Сочи шаарында орун алат.

Автор: Турсунай Алымкулова
Фото: Интернеттен алынган