Лира Чолпонбаева: "Ак кан менен ооруган балама кайрымдуулук концертин өткөргөндөр акчабызды бербей качып жүрүшөт"

"Ак кан менен ооруган балама кайрымдуулук концертин өткөргөндөр акчабызды бербей 4 айдан бери качып жүрүшөт", - дейт Лира Чолпонбаева. Ал бүгүн, 10-октябрда SUPER.KG порталына буларды айтып берди: "Менин балама жардам беребиз деп кайрымдуу адамдардын терисин жамынган "Бакыт нуру" коомдук кайрымдуулук фонду 4 айдан бери алдап, акчабызды бербей жүрөт. Бул концерт 31-май күнү Бишкектеги Спорт Ордосунда жалгыз менин балам үчүн өткөн. Концерттин өтүшүнө мен да салым кошуп, билеттерди сатууга жардам көрсөткөм. Жалгыз мен 62 миң сомдук билет сатып бергем".

Акыйкат издеген эне 1-Май РИИБине арыз менен кайрылган. Райондук укук коргоочулар алданган энеге 5-сентябрда "кылмыштын курамы жок" деген чечим чыгарып беришкен. Ал эми Спорттук курулмалар жана спорттук камсыздоо башкармалыгы мамлекеттик ишканасы 31-май күнү "Бакыт нуру" коомдук кайрымдуулук фонду тарабынан кайрымдуулук концерти өткөндүгүн тастыктаган тактама берген. Ошол эле учурда жабырлануучу Лира Чолпонбаева "Бакыт нуру" коомдук кайрымдуулук фонду менен кагаз жүзүндө келишим түзгөн эмес.

"Бакыт нуру" коомдук кайрымдуулук фондунун төрайымы "жеримди сатып берем, балдар акчаны иштетип жиберишиптир" деген эле. Минтип тил эмизгенине 4 ай болду. Балама дарыга акча керек болуп кыйналып кеттим. Бир жолку дарылануусуна 30 миң сом каражат жумшалат. Өзүм ашканада эмгектенем", - деп кошумчалады Чолпонбаева.

Талас облусунун тургуну Медер Медет уулу 24 жашта. Ал эки жылдан бери ак кан оорусу менен күрөшүп келет.

"Бул концертке мен да билет сатышкам, анткени Лира Чолпонбаева менин кудагыйым болот. Аларга жардам берейин дегем. Бизге 1-Май РИИБинин тергөөчүсү Бекжан Таалайбеков акчаны өндүрүп берерин айткан эле, бирок акчабыз өндүрүлгөн жок", - деп билдирди Гулина Сарыбаева.

Маалыматка ылайык, аталган кайрымдуулук концертине Кайрат Примбердиев. Акбар Сүйүнбаев, Аяна Касымова, Айчүрөк Султанова, Бакыт Мамаев, "Маржан" тобу катышкан.

Автор: Акназар Сулайманкулов
Фото: Акназар Сулайманкулов

10:43 10-10-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 124 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 103 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 62 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 153 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 553 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 267 0

Архив

Комментарийлер (11)

ss90

2016-10-10 10:59:57

Жебеген ушул эле калды эле...
Адааам...кайда баратабыз?!алдап,алдым - жуттум болуп...

+13

Urmat_83

2016-10-10 11:08:27

Кайрымдуулук фондтор кайрымдуу эмес эле тоночуу болуп калды го.Мисалы эле супер инфого чыккан дудук тачкистке бироолор озунчо счёт ачышкан жардам беребиз деп кана ошо жардам бергендери

jili

2016-10-10 12:22:42

ХХХ, башка созго арзыбыбайт. Адам сындуу ХХХ

-1

admin_portal

2016-10-10 12:27:05

jili, этика нормаларын сактаңыз!

-1

jili

2016-10-10 12:27:32

Кыргызстанга барсан башка кылымга баргандай болосун тооба, мумкунчулук болсо баардыгы алсам, жесем дейт, А сенин артвыда барбы жокбу кызыктырбайт да. Ошон учун онукпойт да кыргызстан. Балык башвнан сасыйт да озу

dasilek

2016-10-10 12:58:35

кийин оо дуйно барганда сурак эсеп кысап деген бар ошондо жооп беришет го ал ХХХ.бироонун акысын жегенге болбойт гооо уффффф.

-2

admin_portal

2016-10-10 13:03:30

dasilek, этика нормаларын сактаңыз!

-2

Izdeim_seni.

2016-10-10 17:43:32

кудайдан коркпогурлар десе. кантип ушундай ооруп аткан адамдын акчасын алып качып журушот.
ХХХ десе

admin_portal

2016-10-11 09:45:31

Izdeim_seni., этика нормаларын сактаңыз!

babushka1510

2016-10-10 22:43:40

Эми Азиз Мурадиллаевге да откоробуз деп атышат го жеп албасын алар да козомолдоо керек

Gul.08

2016-10-11 21:09:19

Иий тооба,Кыргыз эмес эле эмне болуп баратышат...

Комментарий калтыруу үчүн өз ысымыңыз менен кириңиз же каттоодон өтүңүз.