Табыптын дарылоосунан кийин каза тапкан 6 жашар бала эгиздин түгөйү болгон

Бишкекте табыптын дарылоосунан кийин каза тапкан 6 жашар баланын өлүмү боюнча кылмыш ишин козгоо маселеси экспертизанын жыйынтыгы чыккан соң каралат. Бул тууралуу бүгүн, 14-октябрда SUPER.KG порталына Бишкек шаардык ички иштер башкы башкармалыгынын басма сөз катчысы Олжобай Казабаев билдирди.

Маалыматка ылайык, каза болгон 6 жашар бала псориаз оорусу менен жабыркачу. Баланын ата-энеси 80 жаштагы табыпка жардам сурап кайрылышкан. Табып баланы дарылагандан кийин анын абалы оорлошуп, ал Шаардык №3-балдар ооруканасына түшүп, кийин каза болуп калган.

"Табып баланы көк таш менен дарылагандан кийин баланын абалы оорлошуп, ал ооруканага түшкөн. Ооруканага бала оор абалда келген, дарыгерлер көрсөткөн медициналык жардамга карабай эс-учун жоготуп, каза болуп калган. Ошол эле күнү, 11-октябрда соттук-медициналык экспертиза дайындалган. Анын жыйынтыгы менен кылмыш ишин козгоо маселеси каралмакчы. Иликтөө иштеринин алкагында табып акыркы 15 жылдан бери балдарды дарылоо менен алектенгени аныкталган. Ал эми көз жумган бала эгиздин түгөйү экени маалым болду", - деди Казабаев.

Маалымат үчүн: Псориаз - көп кездешүүчү тери ооруларынын бири. Организмдин иммундук системи бузулганда, психо-эмоционалдык факторлор жабыркаганда, эндокринологиялык ооруларга чалдыкканда же бөйрөк, боор ооруганда псориаз калыптанышы мүмкүн. Ал көбүнчө чыканакта, тизеде, баштын чач өскөн жерлерине кызыл так болуп чыгат да, ушаланып, түлөп, карт сыяктуу болуп турат. Псориаз болгондо териден сырткары сөөктөр жана муундар дагы жабыркайт. Маалыматтарга караганда, оору тукум кууйт.

Автор: Мальвина Уметбекова

14:28 14-10-2016

Жазылуу

РУБРИКАДАГЫ СОҢКУ КАБАРЛАР

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 380 0

16:39 2025-05-14 | Коом жана турмуш

Таласта айрым дарыяларда балык уулоого убактылуу тыюу салынды 193 0

15:44 2025-05-14 | Коом жана турмуш

Депутат Кой-Таш окуясында жабыркаган генералдын пенсиясын көтөрүүнү сунуштады (видео) 604 0

15:34 2025-05-14 | Коом жана турмуш

Түрк тили күнүнө карата Кыргызстанда түрк ырларынын сынагы өттү (сүрөттөр) 178 0

15:29 2025-05-14 | Коом жана турмуш

15-майга карата аба ырайы 354 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 517 0

Архив

Комментарийлер (8)

sher.ella

2016-10-14 14:44:55

Табып Козу ачык дегендерге такыр барбаш керек ойунан чыгарып эле даарылашат врачка гана корунсонор озунорго жакшы.Акчасын алса болду.

Tansuluu09

2016-10-14 15:02:29

Олум айтпай келет балким ал баланын тагдырыга ошентип жазылгандыр(( Эми 80ге кирген табыпка не болот экен? Каарыганда(

Mekush87

2016-10-14 15:41:04

Кок таш менен да баланы дарыламак беле,анда уулуу заттар коп болсо керек

Arslan12

2016-10-14 16:12:23

Таштан инфнкция да кириши мумкун ким билет, жайы жанаттан болсун!

egiz-jigit

2016-10-14 16:22:50

80 ге чыканда даарылабай эле жон журо бербейби

Durdana

2016-10-14 16:35:03

балан ооруса нелерге гана барбайсын байкуш чал себепчи болуптурда

Surena

2016-10-14 16:35:50

Жардам бергиси бергендир,каза болушун кайдан билсин

muhsina

2016-10-15 00:38:48

Чал мага алып келгиле деген эмес го, өздөрү алып барган баарына макул болуп... . Отургандарга эле кыйын эмчи табыптан коркосун ишенбей а докторлордон эки уч эсе коркосун оозуна канча батат экен деп мынанча кел анан карайм десе таап келгенче күтүшөт эмне болсоң ошол бол деп. Баардык жерде акча сүйлөп калган

Комментарий калтыруу үчүн өз ысымыңыз менен кириңиз же каттоодон өтүңүз.