Конституцияны өзгөртүү долбоорунун акыркы вариантын КСДП Венеция комиссиясына бербей жатабы?

Конституцияны өзгөртүү долбоорунун акыркы вариантын КСДП анализ жүргүзүү үчүн Венеция комиссиясына бербей жатат. Бул тууралуу 25-октябрда жарандык активист Динара Ошурахунова айтып чыкты. Ошурахунова мындай аракетине түшүндүрмө берүүнү Жогорку Кеңештин төрагасы Чыныбай Турсунбековдон жана парламенттин тармактык комитетинин төрайымы Асел Кодурановадан талап кылган.

Парламенттин 26-октябрдагы жыйынында спикер Турсунбеков аталган жарандык активистти чагымчыл деп атады. Венеция комиссиясы кайрылса долбоорду берүүгө даяр экенин, эч кандай тоскоолдук жок экенин билдирди. "Ошурахунова социалдык тармакта чуу кылып жатыптыр. Мындай провокациялардан кутулбасак, кыргыз эли тынчыбайт. Бул ушак, сураган нерсенин баарын беребиз", - дейт төрага.

Автор: Автандил Добулбеков