СУПЕРСТАН: "Эртең өлөрүңдү билсең, бүгүн эмне кылмаксың?"

SUPER.KG порталынын "Суперстан" бөлүмүндө "Эртең өлөрүңдү билсең, бүгүн эмне кылмак элең?" деген тема талкууга алынууда.

Темадагы билдирүүлөрдөн:

"Эртеңди билбей эле кете берген жакшы го. Эгер билсең, ойлоно берип, эртеңкиге жетпей эле кете беребиз го".

"Эртең эмес, балким, бүгүн акыркы күнүмдүр" деп жашаш керек. Эртең эмес, бир мүнөттө эмне болуп кетерин эч ким билбейт".

"Мындай нерселерди ойлоно берсеңер, эрте карыйсыңар".

"Кудай сактасын. Эгер эртең акыркы күнүм болсо, ата-энемдин, бир туугандарымдын жана сүйүктүүмдүн жанында болот элем".

"Эртең акыркы күнүң десе, бүгүн айылыма учуп жетмекмин. Эмнеси болсо да, өзүм туулуп-өскөн, тоо арасындагы кичинекей айылымдын абасынан бир жутуп, анан жаным чыгып, жүрөгүм сокпой калса арман болбос эле. Бөлөк эл, бөтөн жер жүзү тааныш, жүрөгү алыс жерге жападан жалгыз жатып өлгүм келбейт".

"Демек, ажалым жетиптир да, ээ, Кудай, али көп максаттарым бар эле, балалуу да боло элекмин, мейли, баласыз өлгөнүм жакшыдыр жетим калтырбай, күнөөлөрүмдү кечир" деп Кудайга жалынып, бир сыйра интернетке кирип, жакындарга досторго коштошуу сөздөрүмдү жазып , аккаунттарымдын баарын жаап салмакмын".

"Жуунуп-тазаланып, тырмак-чачты алып, таранып, баарынан кечирим сурап, үйдү жыйнап, төркүнгө бир-эки саатка барып келмекмин. Ошондой эле балам кийин окусун деп кат жазмакмын да, баламды өпкүлөп, эркелетип жакшы тамак кылмакмын деп ойлонуп койдум. Бирок чыныгы жашоодо "балам эмне болот?" деп ыйлап эле отуруп калсам керек".

"Апакемдин кучагында түнөмөкмүн. Бирок менин жамандыгымды апакем көрүшүн каалабайм".

Талкууга кошулгуңуз келсе, бул жакка кириңиз.

16:42 17-02-2017

Автор: Гулийпа Маметосмон кызы
Фото: Интернеттен алынган сүрөт

Жазылуу

РУБРИКАДАГЫ СОҢКУ КАБАРЛАР

19:53 2024-05-12 | Маданият, шоу-бизнес

Бишкекте коңур үндүү Өзгөрүш Абакировдун поэзия кечеси өтүп жатат (видео) 542 0

18:31 2024-05-12 | Кылмыштар, кырсыктар

Ошто кызганычтан улам кыз сабалды. Милиция 23 жаштагы жигитти кармады 3598 0

18:19 2024-05-12 | Түркүн дүйнө

Эрдоган АКШга пландалган сапарын жокко чыгарып, себебин түшүндүрдү 2146 0

16:51 2024-05-12 | Кылмыштар, кырсыктар

Нарында апасы менен дарыянын жээгинде жүргөн 4 жашар кыз дайынсыз жоголду 6262 0

16:06 2024-05-12 | Түркүн дүйнө

Ооганстанда селден 300дөн ашуун адам каза болду 1946 0

15:36 2024-05-12 | Спорт

Кыргыз волейболчулары Түркмөнстанга 3:0 эсебинде утулуп калды 1215 0

Архив

Комментарийлер (5)

tursunbaev78

2017-02-17 16:45:37

Бир күндө үч жолу өлүмдү эстеп тур дешетко

altyn7776

2017-02-17 20:43:32

Бир кундон эмнени кыйратмак элен...

-3

barakcha

2017-02-17 20:50:25

Мен даарат алып,жаным чыккыча куран окуп,келме келтирип.Аллахтан куноолорумдун кечирилишин суранып отурмакмын...

etaj_rus79

2017-02-18 01:27:35

эртен олушумду билсем намаз окуйт элем тообо кылат элем дешет... ошол олум келгенче эле кыла берсе болбойбу же сосуз олушун билгенден кийин намаз окуп теспе тартып калыш керекпи...олум баары бир келе турган нерсего....аалымдар айтат олумдон коркпо олумго даяр эместигинен корк деп

manachaka

2017-02-18 22:40:33

Мен деген келме келтирип журом постоянно. Аллах ар дайым оозуман тушпойт. Бир нерсени баштаарда биссимиллда деп баштайм. И еще Алланын буйругу менен деп.

Комментарий калтыруу үчүн өз ысымыңыз менен кириңиз же каттоодон өтүңүз.