Адахан Мадумаров: "Бизге күчтүү президенттик башкаруу керек"

Бишкекте 11-июлда "Бүтүн Кыргызстан" партиясынын курултайы өтүүдө. Анда президенттикке Адахан Мадумаровдун талапкерлиги бекитилди.

Мадумаров: "Мамлекеттик түзүлүш боюнча пикирим өзгөргөн жок. Эл тарабынан шайланган президент бир эле учурда өкмөттү да жетектеши керек. Текебаев да "кечээги каршылардын баары макул болуп, көгөрүп сиз эле калдыңыз" деп айткан. Мен бир топ жыл мурун айткан сөздөр бүгүн далилденип жатат. Кеп Конституцияда эмес, Конституцияны жоготуп жиберип деле иштеп жаттык го. Күчтүү президенттик башкаруу керек. Президенттик башкаруу десе эле мурдагы 2 кишини элестете беришет, андай болбойт. Депутаттардын саны 60тан ашпашы керек. Мектептин босогосун аттабагандар министр, прокуратуранын жытын жыттабагандар Башкы прокуратураны башкарып жатат. Түндүк-Түштүк альтернативдүү жолунун курулушуна 1 миллиард доллар жумшап жатышат. Мунун ордуна 20 завод курсак болбойт беле?" - деди.

Автор: Автандил Добулбеков